Ingibjörg Sólrún Gísladóttir, utanríkisráðherra samdi við Högna Hoydal landsstjórnarmann Færeyja í utanríkismálum um að afhenda Færeyingum lista yfir flugvélar sem áttu leið um lofthelgi Færeyja og talið er að hafi rekið erindi CIA, leyniþjónustu Bandaríkjanna.
Færeyska útvarpið skýrði frá þessu á vefmiðli sínum í gærkvöldi. Í frétt útvarpsis kemur fram að Íslendingar haldi slíka skrá og að á listanum séu þær flugvélar CIA sem hafa flogið inn í bæði íslenska og færeyska lofthelgi.