Lögreglan geymir flutningabíla

Lögreglan geymir flutningabílana sem haldlagðir hafa verið á Suðurlandsvegi, en ekki liggur fyrir hvað gert verður við þá. Þegar hafa að minnsta kosti fjórir bílar verið fluttir á svæði lögreglunnar, og fleiri eru á leið þangað.

Hörður Jóhannesson aðstoðarlögreglustjóri segir, að markmið aðgerða lögreglunnar á Suðurlandsvegi í dag sé ekkert annað en það að fjarlægja flutningabílana sem teppi umferð um veginn. Lögreglan hafi heimild til að leggja hald á bílana.

Hörður segir að ekki liggi enn fyrir hvert verði framhald haldlagningarinnar. Þótt heimild sé til þess í lögum að halda hlutum til tryggingar sektum og málskostnaði sé alls ekki þar með sagt að sú verði raunin í þessu tilviki.

• 1 blogg um fréttina

Bloggað um fréttina

• Kjartan Pálmarsson: Hvar er svæði Lögreglunar?