Tímabært að sækja um ESB-aðild

Jón Sigurðsson, fyrrverandi formaður Framsóknarflokksins, segir í grein í Morgunblaðinu, að tími sé kominn til að Ísland sæki um aðild að Evrópusambandinu.  

Jón segir, að vandi Íslendinga á sviði gjaldeyris- og peningamála sé augljós. Í hagkerfinu séu í raun þrír gjaldmiðlar: íslenska króna, verðtryggð og gengistryggð reiknikróna og evra. Seðlabankinn hafi aðeins vald yfir íslensku krónunni og verði að forskrúfa hana til að geta haft áhrif á önnur viðskipti. Þetta gangi ekki nema á stuttu millibilsskeiði. ESB og evra virðist framtíðarkostir og aðrir möguleikar aðeins fræðilegir.

Jón segir m.a. að forsendur sameiginlegrar fiskveiðistefnu ESB eigi ekki við á Íslandsmiðum þótt sjávarútvegsmálin verði erfið viðfangs í samningum við sambandið. Þá verði aðild að ESB landbúnaðnum frekar til stuðnings en hitt vegna þess að væntanlegar stefnuákvarðanir Alþjóðaviðskiptastofnunarinnar muni valda róttækum breytingum í landbúnaði á næstu árum.

• 8 blogg um fréttina

Bloggað um fréttina

• Haraldur Bjarnason: Athyglisvert hjá Jóni fyrrverandi í einu og öðru
• Ketill Sigurjónsson: Þó fyrr hefði verið
• Stefán Friðrik Stefánsson: Halldórsarmurinn berst fyrir ESB-aðild í Framsókn
• Ingólfur: Látum ekki neyða okkur í ESB
• Bjarni Kjartansson: Bull og vitleysa og nú Jón Sig.
• Björgvin Guðmundsson: Jón Sigurðsson vill í ESB
• Gestur Guðjónsson: Tímamótagrein Jóns Sigurðssonar um ESB
• Guðmundur Jónas Kristjánsson: Kemur ekki á óvart !