Þjóðaratkvæði um aðildarviðræður

Á fundi miðstjórnar Framsóknarflokksins í gær.
Á fundi miðstjórnar Framsóknarflokksins í gær. mbl.is/Frikki

Miðstjórn Framsóknarflokksins telur eðlilegt að spurningunni um hvort stjórnvöld fái umboð til að ganga til aðildarviðræðna við Evrópusambandið ´(ESB) verði borin undir þjóðina í þjóðaratkvæðagreiðslu, óháð öðrum kosningum.

Þetta kemur fram í ályktun, sem samþykkt var á fundi miðstjórnarinnar í gær. Þar segir, að veiti þjóðin umboð til slíkra viðræðna yrði niðurstaða samningaviðræðna við ESB lögð í þjóðaratkvæðagreiðslu til samþykktar eða synjunar.

Miðstjórnin segir, að afstaða til hugsanlegrar aðildarumsóknar að Evrópusambandinu gangi þvert á flokkslínur. Stjórnmálaflokkarnir einir leiði þetta stóra mál ekki til lykta. Þrátt fyrir það sé  það skylda stjórnmálaflokkanna, að finna leið til að svara kalli almennings og atvinnulífsins eftir niðurstöðu í því hver staða Íslands í Evrópu skuli vera. Miðstjórn Framsóknarflokksins segist telja að aðlaga verði stjórnarskrá Íslands að nýjum veruleika í Evrópu- og alþjóðasamstarfi, m.a. til þess að tryggja að þátttaka Íslands í því sé hafin yfir allan vafa í nútíð og framtíð.

Þá segir í ályktuninni, að útfærsla á þjóðaratkvæðagreiðslum verði skoðuð frekar á komandi flokksþingi Framsóknarflokksins að undangenginni umræðu um Evrópumál sem framkvæmdastjórn standi fyrir.

mbl.is