Frumvörp um eftirlaun og Breiðavík koma ekki fram nú

Þingsalur Alþingis.
Þingsalur Alþingis. mbl.is/Brynjar Gauti

Geir H. Haarde, forsætisráðherra, lýsti því yfir á Alþingi í kvöld, að frumvörp um breytingar á eftirlaunalögum og um bætur til þeirra sem dvöldu á Breiðavíkurheimilinu á sínum tíma, komi ekki fram á Alþingi nú í vor. Búast megi við slíkum frumvörpum í haust. 

Um eftirlaunalögin sagði Geir, að formenn stjórnarflokkanna hefðu rætt það mál og beint þeirri ósk til formanna annarra stjórnmálaflokka á Alþingi að allir flokkar vinni sameiginlega að þessu máli til að finna á því lausn. Hefðu þeir tekið vel í þá málaleitan. Sagði Geir, að væntanlega verði unnið í sumar að því þingmáli, sem yrði lagt fram í haust.

Ingibjörg Sólrún Gísladóttir, utanríkisráðherra, sagðist fagna því að niðurstaða hefði fengist í þetta mál.

mbl.is
Fleira áhugavert
Fleira áhugavert