Skelfingarástand á Selfossi
Setja bókamerki
Fannar Freyr Magnússon, íbúi að Bakkatjörn 9 Selfossi, segir að skelfingarástand hafi gripið um sig á Selfossi þegar jarðskjálftinn reið yfir. Segir hann að fólk hafi þust út úr húsum sínum og margir verið grátandi og kallað á ættingja sína. Segir Fannar Freyr að honum hafi brugðið svo við að hann gat sig hvergi hrært.
Segir hann að umferðaröngþveiti hafi myndast í götunni þar sem hann býr þar sem íbúar hafi komið keyrandi alls staðar að til þess að kanna ástandið heima fyrir. „Skelfingin var gríðarleg og fólk hljóp út úr bílum sínum á miðri götu án þess að drepa á þeim," sagði Fannar Freyr í samtali við mbl.is
Að sögn Fannars Freys fór allt af stað á heimilinu, veggfastir veggskjáir duttu niður af veggjum og húsmunir út um allt. Jafnvel fór skápur, sem fjóra þurfti til að bera inn í húsið, af stað.
Fannar Freyr segir að skólar hafi verið rýmdir á Selfossi og sjúkrahúsið og þyrla Landhelgisgæslunnar sveimi nú yfir bæinn.
Boðar 17 milljarða hagræðingu á næsta ári
Stórbruni í Kaupmannahöfn: Børsen í ljósum logum
„Ef það er einhver einn lærdómur...“
Børsen brennur á afmæli drottningar
Með skerta aksturshæfni og undir slævandi áhrifum
Danir í áfalli yfir brunanum
„Sárt að horfa upp á þetta“
90 milljóna ferð austur: „Hrokinn yfirgengilegur“