Stal munum úr húsi sem yfirgefið var vegna jarðskjálfta

Lögreglan á Selfossi handtók á föstudag karlmann, sem var að sniglast í og við hús í Hveragerði sem íbúar höfðu yfirgefið vegna jarðskjálftanna daginn áður.

Í bíl mannsins fundust tveir rifflar og skammbyssa, sem talið var að væri úr húsinu. Skammt frá húsinu fundust ýmsir silfurmunir sem grunur lék á að maðurinn hefði borið út úr húsinu og falið.

Maðurinn sagði í yfirheyrslu að kunningjafólk hans ætti heima í húsinu sem hann hafði komið að ólæstu. Hann hafi ætlað að koma hlutunum undan til að tryggja að einhver færi ekki inn í húsið og stæli úr því.

Um 15 grömm af amfetamíni fannst í bílnum en maðurinn sagðist ekkert vita um það.

Talið var að kona hefði verið með manninum en hún fannst ekki fyrr en á seint á laugardag. Hún var handtekinn og færð til yfirheyrslu.

• 5 blogg um fréttina

Bloggað um fréttina

• Bróðir pabba þíns: Geta sjálfum sér um kennt
• Sigríður Sigurðardóttir: Leynist víða.
• Njörður Helgason: Hvað segir kóraninn?
• Jóna Kolbrún Garðarsdóttir: Hversu lágt getur fólk lagst
• Grétar: Óhjákvæmilegt