Fylgi við ríkisstjórn minnkar
Setja bókamerki
Fylgi við ríkisstjórnina mælist nú 50% og hefur ekki verið minna frá því stjórnin tók við völdum í maí á síðasta ári. Þá sögðust um 80% styðja ríkisstjórnina. Þetta kemur fram í Þjóðarpúlsi Gallup, sem sagt var frá í fréttum Útvarpsins.
Samanlagt fylgi ríkisstjórnarflokkanna mældist nú 61% en það var yfir 70% fyrst eftir að stjórnin tók við.
Fylgi Sjálfstæðisflokks mældist nú 32% og hefur minnkað um 2 prósentur frá því í byrjun júlí. Fylgi Samfylkingar mælist nú 29%, sem er svipað og fyrir mánuði. Fylgi VG mælist nú 22% og hefur aukist um 2 prósentur. Fylgi Framsóknarflokksins mælist nú 9%, Frjálslynda flokksins 5% og Íslandshreyfingarinnar 2%.
11% svarenda taka ekki afstöðu eða neita að svara og 13% segjast ekki ætla að kjósa. Könnunin var gerð á tímabilinu 30. júní til 29. júlí. Úrtakið var 5851 og svarhlutfall var 64%.
„Umsátursástand“
Vélsleðaslys: Þyrlan kölluð út á mesta forgangi
Krefjast stöðvunar framkvæmda
Tveir í bílnum sem lenti utan vegar
Gígbarmurinn hækkað frá því í gær
„Höfum ekki náð að skríða upp úr þeirri gryfju“