Landsliðið kemur heim - myndir

Landsliðið í handbolta fékk höfðinglegar móttökur þegar það kom heim frá Peking í gær. Talið er að 40 þúsund manns hafi verið á Arnarhóli síðdegis þegar landsliðsmönnunum var fagnað og í gærkvöldi veitti forseti Íslands landsliðsmönnunum og forsvarsmönnum Handknattleikssambands Íslands fálkaorðuna.

„Mér finnst það mikilvægt að Íslendingar allir átti sig á því að afrek ykkar er ekki aðeins merkilegt og einstakt í okkar sögu heldur er það það líka í heimssögu íþróttanna,“ sagði Ólafur Ragnar Grímsson, forseti Íslands, í ræðu sinni við athöfnina þegar orðurnar voru veittar.

Meðfylgjandi eru myndir af atburðum gærdagsins.