Ljósmæður fá allt að 21% hækkun
Setja bókamerki
Ljósmæður fá allt að 21% launahækkun, samkvæmt miðlunartillögu sem ríkissáttasemjari lagði fram í launadeilu ljósmæðra og ríkisins í gær Þetta kemur fram í Fréttablaðinu í dag. Rafræn atkvæðagreiðsla hefst meðal ljósmæðra um tillöguna í dag en forustumenn Ljósmæðrafélags Íslands hafa mælt með því að tillagan verði samþykkt.
Blaðið segir að launakostnaður ríkisins vegna ljósmæðra hækki um 21%. Mismunandi sé hve ljósmæður hækki í launum en ákveðnir hópar fái allt að 21%. Þá geri tillagan ráð fyrir því að ríkið kaupi Vísindasjóð af ljósmæðrafélaginu.
Samninganefnd ljósmæðra kynnti miðlunartillögu ríkissáttasemjara á fjölmennum fundi í Rúgbrauðsgerðinni í gærkvöldi og talaði fyrir henni, en Guðlaug Einarsdóttir, formaður Ljósmæðrafélags Íslands, segir ómögulegt að segja til um hvernig atkvæðagreiðslan um hana fari. „Það verður að koma í ljós hvort þær eru sammála okkar mati eða ekki,“ segir hún.
Félagsmenn í Ljósmæðrafélagi Íslands (LMFÍ) munu frá og með hádegi í dag geta kosið um tillöguna með rafrænum hætti en kosningu lýkur kl. 12 á föstudag, á sama tíma og fjármálaráðherra á að skila sínu atkvæði til ríkissáttasemjara. Niðurstöður úr kosningu ljósmæðra munu liggja fyrir kl. 14 samdægurs.
Skar höfuðleðrið af íslenskri konu
Veiting hvalveiðileyfis ekki brot á EES-samningi
Banna mengandi búnað sem leyfður er á Íslandi
Handteknir eftir myndatöku í Vesturbæjarlaug
Æskuvinur Íslendings myrtur í Noregi
„Það þarf að vinna mikinn fjölda upp“
Telur forsendur fyrir vaxtalækkun