Segir sig úr Lögreglufélagi Reykjavíkur

Jón F. Bjartmarz, yfirlögregluþjónn.
Jón F. Bjartmarz, yfirlögregluþjónn.

Jón Bjartmarz, yfirlögregluþjónn hjá ríkislögreglustjóra og yfirmaður sérsveitar embættisins, hefur sagt sig úr Lögreglufélagi Reykjavíkur vegna ummæla Óskars Sigurpálssonar, formanns Lögreglufélagsins, í kvöldfréttum Sjónvarps á sunnudag. Óskar sagði þar að ríkislögreglustjóraembættið hefði að mörgu leyti verið tilraun sem hefði misheppnast.

Jón Bjartmarz hefur verið yfirmaður sérsveitarinnar frá árinu 1987, lengur en nokkur annar yfirmaður í sögu sveitarinnar, sem er orðin 26 ára.

„Það er mín sannfæring að það sé bara ein lögregla á Íslandi og að allir lögreglumenn séu í sama liðinu,“ segir Jón.

Að hans mati er of mikill „hrepparígur“ innan lögreglunnar sem alið sé á í fjölmiðlum.

„Það er ekki ásættanlegt að formaður [Lögreglu]félagsins skuli taka þátt í slíku með þessum hætti enda engin umræða farið fram um málið innan félagsins. Lögreglan á Íslandi þarf að vinna saman sem ein heild að því að sinna löggæslu og takast á við ný verkefni og nýjar ógnir. Tíma og kröftum á ekki að eyða í innbyrðis togstreitu og dægurþras,“ segir hann.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Fleira áhugavert
Fleira áhugavert