Alþingi gat nú síðdegis ekki staðfest að Eygló Þóra Harðardóttir taki sæti á Alþingi í kjölfar þess að Guðni Ágústsson sagði af sér þingmennsku. Eygló Þóra er fyrsti varaþingmaður Framsóknarflokks í Suðurkjördæmi. Mbl.is hefur ekki náð sambandi við Eygló.

Eygló Þóra Harðardóttir sat í fjórða sæti á lista Framsóknarflokksins í Suðurkjördæmi fyrir síðustu Alþingiskosningar og var annar varaþingmaður flokksins í kjördæminu.  Guðni var í 1. sæti, Bjarni Harðarson í 2. sæti og Helga Sigrún Harðardóttir í því þriðja. Sem kunnugt er sagði Bjarni Harðarson af sér þingmennsku í síðustu viku. Þá tók Helga Sigrún sæti á Alþingi. Í 5. sæti listans var Ingibjörg Elsa Ingjaldsdóttir framkvæmdastjóri á Selfossi og í 6. sæti Lilja Hrund Harðardóttir búfræðingur á Höfn.  

Eygló Þóra er fædd 1972. Hún hefur starfað sem ráðgjafi hjá Atvinnuþróunarfélagi Suðurlands á Selfossi. Eygló er ritari Landssambands framsóknarkvenna. Hún stundar meistaranám við Háskóla Íslands í markaðsfræðum og alþjóðasamskiptum. Hún lauk Phil. cand. prófi frá Stokkhólmsháskóla í listasögu og viðskiptafræði. Hún er gift og á tvær dætur.

Tengdar fréttir

Guðni segir af sér

„Bjarni móðgar framsóknarmenn"

• Dómsmálaráðherra: „Alþingi verður svipminna og leiðinlegra"
• Eygló tekur sæti á þingi
• Guðna verður saknað
• Horft á eftir farsælum forystumanni

» Fleiri tengdar fréttir

• 5 blogg um fréttina

Bloggað um fréttina

• Lára Stefánsdóttir: Hvað eru margir Herðir í Suðurkjördæmi?
• Stefán Friðrik Stefánsson: Guðni fer af sviðinu og skellir hurðinni á eftir sér
• Magnús Geir Guðmundsson: Framsóknarkreppa!
• Þóra Guðmundsdóttir: Hörður tekur völdin.
• Gísli Foster Hjartarson: Þá urðu þeir aftur 3!!!