BT verslanir undir hatt Haga
Setja bókamerki
Hagar hafa keypt bitastæða hluta úr þrotabúi BT raftækjaverslananna. Finnur Árnason, framkvæmdastjóri Haga, segir að lager BT og vörumerkið hafi verið keypt, auk þess sem Hagar hafi skuldbundið sig til að halda 40 starfsmönnum verslananna. Fyrirtækið BT hafi þannig ekki verið keypt, heldur bitastæðir hlutar úr þrotabúi þess.
Hann segir að vörumerkinu verði haldið við, en óvíst sé hvort félagið starfi áfram í óbreyttri mynd að öðru leyti, svo sem hvort það verður áfram í sama húsnæði eða ekki. Einhverjar verslanir muni ekki verða opnaðar aftur en þeim var lokað í byrjun nóvember. Hagar hafa hingað til verið í samkeppni við BT en verið fremur litlir á sviði raftækja- og tölvuleikjasölu og kveður Finnur einhverja möguleika á samlegð við starfsemi Haga.
Sex hafa greinst með listeríu
Telur forsendur fyrir vaxtalækkun
Banna mengandi búnað sem leyfður er á Íslandi
Gígbarmurinn hækkað frá því í gær
„Það þarf að vinna mikinn fjölda upp“
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Vélsleðaslys: Þyrlan kölluð út á mesta forgangi