Að meðaltali hafa um tveir útlendingar á dag samband við utanríkisráðuneytið til að koma á framfæri mótmælum gegn hvalveiðum. Flestir senda tölvupóst en tiltölulega fáir hringja, að sögn Urðar Gunnarsdóttur upplýsingafulltrúa.

Frá áramótum hafa átta manns komið á framfæri mótmælum við sendiráð Íslands í London og einn bættist við í síðustu viku. Sendiráðið í Berlín hefur tekið á móti 14 mótmælum, þar af tvennum í síðustu viku. Í liðinni viku höfðu fjórir samband við sendiráð Íslands í Washington til að mótmæla hvalveiðum og er heildarfjöldi mótmæla þar með kominn upp í sex. Sjávarútvegsráðuneytinu hafa borist fjögur mótmælabréf frá útlöndum og tvær stuðningsyfirlýsingar.

Tengdar fréttir

Hvalveiðar

Gefur ekkert upp um leyfi til hvalveiða

• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“
• Þrýst á ráðherra að veita veiðileyfi

» Fleiri tengdar fréttir