Endurnýjun á Alþingi

Kolbrún Halldórsdóttir, Álfheiður Ingadóttir og Katrín Jakobsdóttir,þingmenn Vinstrihreyfingarinnar - græns …
Kolbrún Halldórsdóttir, Álfheiður Ingadóttir og Katrín Jakobsdóttir,þingmenn Vinstrihreyfingarinnar - græns framboðs. mbl.is/Guðmundur Rúnar

Nú þegar prófkjörum er að mestu lokið hjá stjórnmálaflokkunum liggur fyrir að talsverð endurnýjun verður á Alþingi miðað við skipan þingsins að loknum kosningunum 2007.

Af þeim 63 þingmönnum sem þá tóku sæti á Alþingi sögðu tveir af sér á kjörtímabilinu og einn þingmaður lést. Af sitjandi þingmönnum gefa 12 ekki kost á sér í næstu kosningum en sjö þingmenn hlutu ekki brautargengi í nýliðnum prófkjörum.

Fimm konur færðust niður

Þá færðust fimm þingmenn neðar á lista en ættu að halda sætum sínum miðað við niðurstöður skoðanakannana að undanförnu. Þetta eru þingkonurnar Arnbjörg Sveinsdóttir(D), Álfheiður Ingadóttir(V), Ásta Ragnheiður Jóhannesdóttir(S), Kolbrún Halldórsdóttir(V) og Þórunn Sveinbjarnardóttir(S).

Ólokið er prófkjöri sjálfstæðismanna í Norðvesturkjördæmi en það verður um næstu helgi. Þar sækist Einar K. Guðfinnsson eftir endurkjöri en tveir þingmenn ætla að hætta, Herdís Þórðardóttir og Sturla Böðvarsson.

Eftirtaldir þingmenn hurfu af þingi á kjörtímabilinu eða hætta nú:

Ágúst Ólafur Ágústsson (S),

Árni M. Mathiesen (D),

Bjarni Harðarson (B), sagði af sér, Helga Sigrún Harðardóttir tók sæti hans,

Björn Bjarnason (D),

Einar Oddur Kristjánsson (D) lést árið 2007, Herdís Þórðardóttir tók sæti hans.

Ellert B. Schram (S),

Geir H. Haarde (D),

Guðfinna Bjarnadóttir (D),

Guðni Ágústsson (B), sagði af sér, Eygló Harðardóttir tók sæti hans,

Gunnar Svavarsson (S),

Herdís Þórðardóttir (D),

Ingibjörg Sólrún Gísladóttir (S),

Lúðvík Bergvinsson (S),

Magnús Stefánsson (B),

Sturla Böðvarsson (D),

Valgerður Sverrisdóttir (B).

Eftirtaldir þingmenn náðu ekki öruggu sæti í prófkjörum:

Ármann Kr. Ólafsson (D),

Björk Guðjónsdóttir (D),

Einar Már Sigurðarson (S),

Helga Sigrún Harðardóttir (B),

Jón Magnússon (D),

Karl V. Matthíasson (S),

Kjartan Ólafsson (D),

Kristinn H. Gunnarsson (B).

Fyrir liggur að Bjarni Harðarson mun bjóða sig fram fyrir L-lista í Reykjavík og Karl V. Matthíasson er genginn í Frjálslynda flokkinn og fer hugsanlega í framboð fyrir hann.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »