Grunur um íkveikju

Slökkvilið að störfum í Grímsnesinu í dag
Slökkvilið að störfum í Grímsnesinu í dag mbl.is/Guðmundur Karl

Grunur er um að kveikt hafi verið í sumarbústað í Miðengislandi í Grímsnesi í dag en tilkynnt var um eld í bústaðnum um klukkan 14:30 í dag, samkvæmt upplýsingum frá lögreglunni á Selfossi. Greiðlega gekk að slökkva eldinn en talið er að bústaðurinn sé ónýtur. Um tíma var óttast að eldurinn myndi breiðast út í gróður í nágrenninu enda mjög hvasst á þessum slóðum. Bústaðurinn var mannlaus þegar kviknaði í honum.

mbl.is