Evrópusambandið bjargar ekki Íslandi
Setja bókamerki
Dagfinn Høybråten, formaður Kristilega þjóðarflokksins í Noregi, segir í samtali við norsku fréttastofuna NTB að afstaða Íslands til Evrópusambandsaðildar hafi ekki skýrst í þingkosningunum á Íslandi um helgina. Hann segir enda, að Evrópusambandið geti ekki bjargað Íslandi.
„Evrópusambandsboðskapurinn frá Íslandi er ekkert skýrari nú en hann var fyrir kosningarnar. Nýja ríkisstjórnin er ósamstíga í málinu og stjórnarandstaðan hefur enn efasemdir. Það virðist því ljóst, að það verður langt þangað til Ísland gengur í ESB," hefur NTB eftir Høybråten.
Þá segist hann ekki reikna með því, að aukinn áhugi íslenskur áhugi á Evrópusambandinu muni kalla fram svipaða umræðu í Noregi. Kristilegi þjóðarflokkurinn, sem er í stjórnarandstöðu í Noregi, styður EES-samninginn og Høybråten telur ekki, að sá samningur muni taka miklum breytingum þótt Ísland gangi í ESB.
„EES-samningurinn er í öllum aðalatriðum samkomulag Noregs og ESB. Það þarf án efa að breyta uppbyggingunni eitthvað en samningurinn sjálfur er ekki í hættu. Við fylgjumst með þróuninni á Íslandi en ég hef tek þessu með ró. Evrópusambandið getur ekki bjargað Íslandi," segir Høybråten.
Banna mengandi búnað sem leyfður er á Íslandi
Shakespeare fannst í skókassa
„Það þarf að vinna mikinn fjölda upp“
Skar höfuðleðrið af íslenskri konu
Telur forsendur fyrir vaxtalækkun
„Höfum ekki náð að skríða upp úr þeirri gryfju“
Skiptir miklu meira máli en fólk grunar