Boða ekki til landsþings

Ekki verður boðað til landsþings Frjálslynda flokksins á næstunni. Þetta var ákveðið á miðstjórnarfundi flokksins sem lauk nú í kvöld. Áður hefur komið fram að Magnús Þór Hafsteinsson, sem bauð sig fram til formanns gegn Guðjóni Arnari Kristjánssyni á síðasta landsþingi, telur afar brýnt að boða til nýs landsþings. 

„Það þarf að velja að nýju í stjórnir Frjálslynda flokksins svo fólk geti sem fyrst með endurnýjuðu umboði hafið endurreisn hans sem stjórnmálahreyfingar,“  skrifaði Magnús Þór á blogg sitt fyrr í vikunni.

Mikið var rætt á fundinum en engar ályktanir voru gerðar, að sögn Magnúsar Reynis Guðmundssonar, framkvæmdastjóra flokksins. Annar miðstjórnarfundur flokksins verður haldinn eftir mánuð.

• 4 blogg um fréttina

Bloggað um fréttina

• Brjánn Guðjónsson: Hrein snilld í ekkifréttamennsku...
• Guðmundur Júlíusson: Ekki boðað til landsþings hjá Frjálslyndum!
• Ólafía Herborg Jóhannsdóttir: Sjaldan launar kálfur ofeldið
• Haukur Gunnarsson: Bara leggja flokkinn niður