Kannabisræktun í Berufirði

Lögreglan á Eskifirði stöðvaði í gær kannabisræktun á sveitabæ í Berufirði. Fram kom í fréttum Ríkisútvarpsins, að ræktunin hafi verið á byrjunarstigi en miðað við tól og tæki hefði hún getað orðið stórfelld.  Framleiðslunni var fjarstýrt með fullkomnum tölvubúnaði.

Lögreglan í umdæmi sýslumannsins á Eskifirði rannsakar málið í samstarfi við fíkniefnadeild lögreglunnar á höfuðborgarsvæðinu. Enginn maður var á staðnum þegar lögreglan kom á vettvang í gær. Haft var eftir lögreglu, að búið væri að yfirheyra nokkra einstaklinga en að enginn hafi verið formlega handtekinn.

Búskapur var stundaður á bænum lengi en jörðin var seld fyrir fjórum árum. Að sögn Ríkisútvarpsins er talið, að þeir sem stóðu að ræktuninni séu allir af höfuðborgarsvæðinu.

• 3 blogg um fréttina

Bloggað um fréttina

• Rögnvaldur Þór Óskarsson: Kæru blóm
• S Kristján Ingimarsson: Annað dópmál
• Baldur Gautur Baldursson: Íslenskur heimilisiðnaður!