Samþykktu kauptilboð Magma

HS Orka
HS Orka

„Þetta er góð niðurstaða að mínu mati fyrir Orkuveituna sem félag,“ segir Guðlaugur G. Sverrisson, formaður stjórnar OR.

Meirihluti stjórnarinnar samþykkti á fundi sínum í dag kaupsamning við Magma Energy um 16,58% hlut OR og tæplega 15% hlut Hafnarfjarðarbæjar í HS Orku. Sala til Magma er háð samþykki borgarráðs og borgarstjórnar Reykjavíkur og bæjarráða og bæjarstjórna Akraness og Borgarbyggðar.

Jafnframt samþykkti stjórnin samkomulag við Hafnarfjarðarbæ um uppgjör milli aðila vegna viðskipta þeirra með hluti í Hitaveitu Suðurnesja.

Með samkomulaginu er endi bundinn á tæpra tveggja ára ágreining, sem hefur verið fyrir dómstólum og einnig orðið við kröfu samkeppnisyfirvalda um að OR minnkaði eignarhlut sinn í HS Orku. Ákvörðun stjórnar Orkuveitu Reykjavíkur er tekin eftir að fyrirtækið og Magma Energy gáfu ríkisstjórn Íslands frest til að kanna hugsanlega aðkomu hennar að viðskiptunum. Nú er ljóst að af henni verður ekki.

Guðlaugur G. Sverrisson, stjórnarformaður Orkuveitu Reykjavíkur, segir að með samningunum sé verið að ljúka verkefni sem samkeppnisyfirvöld hafi gert Orkuveitu Reykjavíkur að skila.

„Með þessum samningum er ekki verið að einkavæða HS Orku,“ segir Guðlaugur.

„HS Orka var þegar að meirihluta í eigu einkaaðila, fyrir tilstilli annarra en Orkuveitu Reykjavíkur. Standi vilji opinberra aðila til að eignast ráðandi hlut í HS Orku, gæti enn verið tækifæri til þess,“ segir Guðlaugur.

Góð niðurstaða fyrir Orkuveituna og eigendurna

Gengi hlutabréfanna í viðskiptum OR og Magma Energy er 6,31 og samningurinn metinn á um 12 milljarða króna. 30% kaupverðsins eru greidd með reiðufé og 70% með skuldabréfi í bandaríkjadölum.

Guðlaugur G. Sverrisson segir að tilboðið sé mjög ásættanlegt.

„Það er aldrei einfalt mál að verða að selja eitthvað sem maður á, en það var sú staða sem Orkuveita Reykjavíkur var í,“ segir Guðlaugur og segir niðurstöðuna góða fyrir Orkuveitu Reykjavíkur og eigendur hennar.

Orkuveita Reykjavíkur keypti 16,58% hlut í Hitaveitu Suðurnesja árið 2007 og skuldbatt sig jafnframt til að kaupa liðlega 15% til viðbótar af Hafnarfjarðarbæ. Við uppskiptingu Hitaveitu Suðurnesja í HS Veitur og HS Orku eignuðust aðilar samsvarandi hlut á báðum félögum. Ná viðskiptin við Magma til samanlagðs hlutar í HS Orku, það er orkuframleiðsluhluta fyrirtækisins, en hvorki eignarréttar á auðlindum né einkaleyfisstarfseminnar.

Ágreiningur við Hafnarfjarðarbæ leystur

Samkeppnisyfirvöld settu skorður við eignarhlut Orkuveitu Reykjavíkur í HS Orku og hefur Orkuveitan unnið að sölunni innan tiltekins frests samkeppnisyfirvalda. Vegna ákvörðunar yfirvalda hefur Orkuveita Reykjavíkur ekki talið sér heimilt að uppfylla skuldbindingu sína gagnvart Hafnarfjarðarbæ. Með því að Magma Energy kaupir einnig þann hlut, sem ágreiningur hefur verið um, skapast forsendur fyrir samkomulaginu við Hafnarfjarðarbæ. Það felur í sér að kaup OR á hlut bæjarins ganga eftir og að aðilar hafi ekki uppi frekari kröfur vegna málsins.

Ýtarleg umfjöllun um söluna

Salan á hlut OR í HS hefur fengið ýtarlega umfjöllun stjórnar Orkuveitu Reykjavíkur. Undirbúningur hennar var ræddur á fundum stjórnar 19. desember 2008 og aftur 23. janúar 2009. Frá því frestur til að skila inn tilboðum rann út hefur málið verið rætt á tveimur fundum stjórnar OR, að viðbættum fundinum í dag. 14. ágúst voru tilboð í hlut OR í HS Orku lögð fram á fundi stjórnar OR og þau kynnt ýtarlega ásamt minnisblaði um breytingar sem OR hefði hug á að ná fram við gerð endanlegs kaupsamnings við Magma Energy. Á sama fundi voru kynntar hugmyndir að lausn nærri tveggja ára ágreinings við Hafnarfjarðarbæ um hlut í HS. Nú hafa þær hugmyndir orðið grundvöllur samnings. Þann 20. ágúst var málið aftur til umræðu á stjórnarfundi Orkuveitu Reykjavíkur. Þá var gerð grein fyrir ósk fjármálaráðherra um frest og lagðar fram á minnisblöðum þær upplýsingar um tilboð Magma Energy sem óskað hafði verið á fundinum 14. ágúst. Fimmtudaginn 20. ágúst var einnig gerð grein fyrir viðræðum um söluna á fundi borgarráðs Reykjavíkur.

Á fundi stjórnar Orkuveitu Reykjavíkur í dag var samningurinn við Magma Energy samþykktur með fjórum atkvæðum gegn tveimur og samkomulagið við Hafnarfjarðarbæ með fjórum samhljóða atkvæðum. Hvortveggja samningurinn þarf að hljóta staðfestingu þeirra sveitarfélaga sem eiga Orkuveitu Reykjavíkur, Reykjavíkurborgar, Akranesbæjar og Borgarbyggðar.

mbl.is

Innlent »

Jörð skelfur í Grindavík

Í gær, 21:55 Jarðskjálfti af stærð 3,5 mældist um kílómetra norðaustur af Grindavík á tíunda tímanum í kvöld. Hulda Rós Helgadóttir, náttúruvársérfræðingur hjá Veðurstofunni, segir skjálftann hafa fundist vel í bænum og fjölmargar tilkynningar hafi borist Veðurstofunni. Meira »

Íslendingur í annað sinn

Í gær, 21:48 Í lok árs veitti Alþingi 76 einstaklingum ríkisborgararétt. Hinir nýju Íslendingar koma hvaðanæva úr heiminum, til að mynda frá Líbíu, Sýrlandi og Austurríki. Uppruni eins hinna nýju ríkisborgara er þó óvenjulegri en flestra annarra. Það er María Kjarval, en hún er fædd á Íslandi árið 1952. Meira »

8-10 vikna bið eftir dagvistun

Í gær, 21:41 Biðtími eftir dagvistunarplássi fyrir yngstu börn í Hafnarfirði er á bilinu 8-10 vikur samkvæmt þeim biðlista sem eru upplýsingar um hjá daggæslufulltrúa Hafnarfjarðar. Þetta segir Einar Bárðarson, samskiptastjóri Hafnarfjarðar. Meira »

Páskaegg í búðir 10 vikum fyrir páska

Í gær, 21:17 Þrátt fyrir að enn séu um 10 vikur í páska eru páskaegg komin í sölu, alla vega í einni verslun Hagkaupa. Þegar ljósmyndara mbl.is bar að garði í verslun fyrirtækisins í Skeifunni var búið að koma upp einni appelsínugulri körfu þar sem hægt var að finna lítil páskaegg í stærð tvö. Meira »

Kastaðist út úr bílnum

Í gær, 20:44 Þyrla Landhelgisgæslunnar var kölluð út fyrr í kvöld eftir að bíll valt út af veginum um Lyngdalsheiði. Einn farþeganna kastaðist úr bílnum og var hann fluttur með þyrlunni á bráðamóttökuna í Fossvogi. Maðurinn er þó ekki talinn í lífshættu. Meira »

United Silicon ljúki öllum úrbótum

Í gær, 19:44 United Silicon fær ekki heimild til að hefja framleiðslu á ný fyrr en lokið hefur verið við nær allar þær úrbætur sem tilteknar eru í mati norska ráðgjafafyrirtækisins Multiconsult sem rannsakað hefur tækjabúnað fyrirtækisins. Þetta kemur fram í úrskurði Umhverfisstofnunar sem tilkynnt var um í dag. Meira »

Sindri Freysson fær Ljóðstaf Jóns úr Vör

Í gær, 18:44 Sindri Freysson fékk í dag afhentan Ljóðstaf Jóns úr Vör fyrir ljóðið Kínversk stúlka les uppi á jökli. Þetta er í sautjánda sinn sem Lista- og menningarráð Kópavogs afhendir Ljóðstaf Jóns úr Vör. Meira »

Mikil spenna og smá stress á Sundance

Í gær, 18:45 „Þetta er stórt skref og mikill heiður,“ segir Ísold Uggadóttir. Fyrsta kvikmynd hennar í fullri lengd, Andið eðlilega, keppir til aðalverðlauna á Sundance-kvikmyndahátíðinni í Park City í Bandaríkjunum á morgun. Meira »

Reynslusögur af daggæslu

Í gær, 18:38 Bið eftir leikskólaplássi er vandamál sem margir foreldrar kannast við þegar fæðingarorlofinu sleppir. Á dögunum var stofnaður á Facebook-umræðuhópur fyrir foreldra í þessari stöðu, og á örfáum dögum eru meðlimir komnir yfir þúsund. Meira »

Þyrlan í útkall á Lyngdalsheiði

Í gær, 18:16 Þyrla Landhelgisgæslunnar sótti einn slasaðan á Lyngdalsheiði rétt fyrir klukkan fimm í dag eftir að smárúta valt á heiðinni. Lenti þyrlan við Landspítalann um sexleytið. Meira »

Gul viðvörun víða um land

Í gær, 16:51 Búast má við áframhaldandi hvassvirðri á Suður- og Suðausturlandi í kvöld, nótt og fram frameftir annað kvöld. Þó mun hlýna og gera má ráð fyrir rigningu samhliða vindinum á morgun. Á Faxaflóasvæðinu er spáð hvassri austanátt síðdegis á morgun og er sérstaklega varað við snörpum vindhviðum við fjöll. Meira »

Benedikt og Frú Ragnheiður verðlaunuð

Í gær, 15:38 Uppreisnarverðlaunin voru veitt í fyrsta skipti til viðurkenningar á markverðu og óeigingjörnu starfi í þágu frjálslyndis og almannahagsmuna. Uppreisn, ungliðahreyfing Viðreisnar, veitir verðlaunin sem þakklætisvott í garð þeirra sem skarað hafa fram úr á framangreindum sviðum Meira »

Bíll valt í Norðurá

Í gær, 15:24 Tveir ferðamenn voru fluttir á slysadeild á Akureyri í hádeginu eftir að bíll þeirra valt í Norðurá í Skagafirði. Að sögn lögreglunnar á Sauðárkróki eru þeir ekki alvarlega slasaðir. Meira »

Segir grein Frosta rökleysu

Í gær, 12:54 Bryndís Haraldsdóttir, þingmaður Sjálfstæðisflokksins og bæjarfulltrúi í Mosfellsbæ, segir að borgarlína sé vitrænn háttur til að efla almenningssamgöngur á höfuðborgarsvæðinu. Hún gagnrýndi grein Frosta Sigurjónssonar, fyrrverandi þingmanns Framsóknarflokksins, um borgarlínu. Meira »

Banaslys á Arnarnesvegi

Í gær, 11:50 Ungur maður lést í bílslysi á Arnarnesvegi um hálfþrjú í nótt, samkvæmt upplýsingum frá aðalvarðstjóra í lögreglunni á höfuðborgarsvæðinu. Meira »

Frekari fregnir væntanlegar á morgun

Í gær, 13:44 Forsvarsmenn United Silicon fara nú yfir gögn en heimild til greiðslustöðvunar fyrirtækisins rennur út á morgun. Karen Kjartansdóttir, talsmaður fyrirtækisins, sagði að frekari fregnir væru væntanlegar á morgun en vildi að öðru leyti ekki tjá sig um málið. Meira »

Telur að hann eigi að fara út úr fjölmiðlum

Í gær, 12:01 Eyþór Arnalds sem sækist eftir oddvitasæti Sjálfstæðisflokksins í Reykjavík segist telja rétt að hann losi sig út úr fjölmiðlarekstri ef hann verður kjörinn borgarfulltrúi. Meira »

Borgarlína og spítali

Í gær, 11:13 Borgarlínan var mál málanna í þættinum Sprengisandi á Bylgjunni í morgun. Hilmar Þór Björnsson arkitekt fjallaði meðal annars um borgarlínuna, samgöngumál og þéttingu byggða. Jafnframt var spítalinn til umræðu. Meira »

Börnin sem kerfið gleymdi

ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Flott föt, fyrir flottar konur
Vertu þú sjálf, vertu Bella Donna Fallegur og vandaður fatnaður, frá Hollandi, ...
 
Byggðakvóti
Tilkynningar
Auglýsing vegna úthlutunar byggða...
Aukatekjur vikulega
Önnur störf
Aukatekjur Morgunblaðið vantar fólk ...
Samkoma
Félagsstarf
Samkoma kl. 20 í Kristni- boðssalnum. R...
Lausafjáruppboð
Nauðungarsala
Lausafjáruppboð Einnig birt á www.naud...