Stálu frá lögreglukórnum

Töluvert hefur borið á þjófnuðum á skemmtistöðum í Reykjavík undanfarið og ávallt er nokkuð um að stolið sé úr yfirhöfnum fólks sem sækir fundi eða veislur í veislusölum. Þjófarnir eru bíræfnir og láta víða að sér kveða.

Hámarki ósvífninnar var líklega náð í jarðarför í kirkju einni í Reykjavík fyrir nokkru. Lögreglukórinn söng við athöfnina og hengdu kórfélagar lögreglujakkana sína upp í fatahengi áður en þeir gengu inn í kirkjuskipið. Meðan á jarðarförinni stóð var farið í jakkavasana og varð a.m.k. einn lögreglumaður veskinu fátækari.

Sjá nánar um þessi mál í Morgunblaðinu í dag.