Önnur tillaga um þjóðaratkvæðagreiðslu

Þingmenn Framsóknarflokksins og Hreyfingarinnar hafa lagt fram þingsályktunartillögu á Alþingi um að fram fari óbindandi þjóðaratkvæðagreiðsla um hvort veita eigi ríkisábyrgð vegna Icesave-skuldbindinga íslenska ríkisins.

Þingmaður Sjálfstæðisflokksins lagði í gærkvöldi fram breytingartillögu við frumvarp ríkisstjórnarinnar um Icesave-skuldbindingarnar, sem þingmenn eru nú að fjalla um.  Sú tillaga gerði ráð fyrir því, að ríkisábyrgð samkvæmt væntanlegum lögum tæki ekki gildi nema hún yrði samþykkt í  þjóðaratkvæðagreiðslu. 

Samkvæmt þingsályktunartillögunni, sem Höskuldur Þórhallsson er fyrsti flutningsmaður að, á að spyrja þjóðina eftirfarandi spurningar: „Á Alþingi Íslendinga að samþykkja breytingar á ríkisábyrgð á skuldbindingum Landsbanka Íslands hf. vegna Icesave-reikninganna, sbr. frumvarp til laga um breytingu á lögum nr. 96/2009?

Í greinargerð með tillögunni segir, að ljóst sé að úrslit þjóðaratkvæðagreiðslunnar yrðu ekki bindandi í sjálfu sér. „Þó má telja að Alþingi og ríkisstjórnin mundu í kjölfarið lúta niðurstöðu hennar, eins og títt er í nágrannalöndum okkar um þjóðaratkvæðagreiðslur sem ekki eru bindandi fyrir stjórnvöld. Lagt er til að atkvæðagreiðslan fari fram eins fljótt og auðið er og í samræmi við frumvarp til laga um þjóðaratkvæðagreiðslur sem nú er til umfjöllunar hjá allsherjarnefnd þingsins."

Þingsályktunartillaga Framsóknarflokks og Hreyfingar

Breytingartillaga Péturs H. Blöndal

• 9 blogg um fréttina

Bloggað um fréttina

• Auðun Gíslason: Lýðskrum á lýðskrum ofan!
• Ómar Geirsson: Hættið þessu væli um þjóðaratkvæði.
• Kristin stjórnmálasamtök: Vitaskuld á þjóðin að fá að eiga síðasta orðið um …
• Einar Vignir Einarsson: Sýnið kjark og dug. Hugsið um framtíðina fyrir ykkur sjálfa …
• Geir Ágústsson: Ríkisstjórnin er hætt að hlusta
• Ingibjörg Guðrún Magnúsdóttir: Ekki spurning.
• Axel Jóhann Hallgrímsson: Stigið í vitið
• Guðrún Helgadóttir: en hvað með hinar skuldirnar?
• Stefán Helgi Kristinsson: Icesave ekki byggt á lagaheimild