Undirskriftir orðnar 60 þúsund
Setja bókamerki
Alls hafa nú 60.020 skrifað undir áskorun á vef InDefence samtakanna þar sem skorað er á forseta Íslands að synja nýjum Icesave lögum staðfestingar. Fulltrúar samtakanna munu afhenda Ólafi Ragnari Grímssyni, forseta, 56.089 undirskriftir í dag.
InDefence segir, að 92,9% undirskriftanna séu frá fólki á kosningaaldri, 18 ára og eldra. Hafi 23,3% kosningabærra manna því undirritað áskorunina.
InDefence hvetur fólk til að safnast saman við Bessastaði og óskar þess að athöfnin fari fram á virðulegan hátt, eins og hæfir tilefninu. Afhendingin sé ekki vettvangur fyrir mótmæli af neinu tagi.
Athöfnin við Bessastaða hefst klukkan 11 á því að kór undir stjórn Egils Ólafssonar syngur „Ísland farsælda frón". Að því loknu verða tendruð rauð neyðarblys sem InDefence segir táknrænt ákall til alþjóðasamfélagsins um samábyrgð og sanngjarna lausn í Icesave málinu.
Til að forðast umferðarteppu er fólk hvatt til að leggja bílum sínum fjarri Bessastöðum og safnast saman við afleggjarann fyrir kl. 10:30.
„Höfum ekki náð að skríða upp úr þeirri gryfju“
Skiptir miklu meira máli en fólk grunar
Handteknir eftir myndatöku í Vesturbæjarlaug
Telur forsendur fyrir vaxtalækkun
Sex hafa greinst með listeríu
Krefjast stöðvunar framkvæmda
Shakespeare fannst í skókassa
Væri að ljúga ef ég segðist ekki stressaður