Steingrímur fundar á Norðurlöndunum
Setja bókamerki
Steingrímur J. Sigfússon, fjármálaráðherra, heldur nú eftir hádegi utan með flugi til Noregs í gegnum Danmörku. Hann mun ræða við Anders Borg, fjármálaráðherra Svíþjóðar, símleiðis síðar í dag.
Að sögn aðstoðarmanns Steingríms mun ráðherrann funda með Sigbjørn Johnsen, fjármálaráðherra Noregs, fyrir hádegi á morgun og eftir hádegi funda með Claus Hjort Frederiksen, fjármálaráðherra Danmerkur. Steingrímur er væntanlegur heim til Íslands aftur annað kvöld.
Markmið fundanna mun vera að útskýra stöðuna í framhaldi af ákvörðun forseta Íslands í tengslum við Icesave-lögin. Ráðherrann ræddi bæði í gær og fyrradag við fjármálaráðherra Hollands og Bretlands.
Ekki er útilokað að til frekari ferðalaga og fundarhalda komi á næstunni þó enn sé ekki búið að taka formlegar ákvarðanir um slíkt og þessum tímapunkti.
Færa slökkviliðið til nútímans
Kvikan virðist nú skiptast til helminga
Aðeins ein leið fær í Grindavíkurmálum
Ekki byggt í takt við áform sveitarfélaga
Innviðir þandir og álagið „gríðarlegt“
Hægagangur og vaxandi ókyrrð