Bera enga ábyrgð á innistæðunum

„Við höfum innistæðutryggingasjóð í Noregi samkvæmt ákvæðum EES-samningsins. Skoðun mín er sú að ef aðeins er horft til EES-samningsins sé hvergi kveðið á um ríkisábyrgð,“ segir Arne Hyttnes, forstjóri norska innistæðutryggingasjóðsins, um ábyrgð EES-ríkja á innistæðum umfram það sem sjóðir af þessum toga geta bætt.

– Er það því skoðun ykkar í sjóðnum að ef norskur banki hefði rekið útibú sambærilegt við Icesave í ríki, sem EES-samningurinn nær til, bæri norska ríkið enga ábyrgð á innistæðum umfram það sem sjóðurinn gæti bætt sparifjáreigendum?

„Ef Landsbankinn hefði verið norskur banki með útibú í Belgíu eða öðru ríki sem samningurinn nær til er ljóst að það væri engin ríkisábyrgð á innistæðum. Það er afstaða okkar í sjóðnum.“