Um 20% Norðmanna telja rétt að Íslendingum verði gert að endurgreiða Bretum og Hollendingum að fullu vegna útborgunar yfirvalda í þessum löndum til innistæðueigenda vegna gjaldþrota íslenskra banka. Þetta kemur fram í nýrri könnun MMR. Þetta eru ríflega tvöfalt fleiri en sögðu Íslendinga eiga að bera fulla ábyrgð í málinu í sambærilegri könnun MMR meðal almennings í Svíþjóð. 9% Svía töldu að Íslendingum bæri að endurgreiða Bretum og Hollendingum að fullu.

MMR kannaði afstöðu almennings í Noregi til kröfu Breta og Hollendinga á hendur íslenskum stjórnvöldum vegna Icesave skuldbindinganna. Í könnuninni kom jafnframt fram að 13% Norðmanna svöruðu því til að Íslendingar ættu að neita að endurgreiða Bretum og Hollendingum og 27% Norðmanna töldu að kostnaður vegna útborgana til innistæðueigenda ætti að deilast milli landanna þriggja. 41% svarenda sögðust ekki hafa skoðun á málinu.

Séu niðurstöður skoðaðar eingöngu fyrir þá sem gáfu upp tiltekna afstöðu í málinu (sem voru 59% svarenda) kemur í ljós að 33% þeirra töldu að Íslendingum bæri einum að axla kostnaðinn vegna útborgunar til innistæðueigenda en 67% töldu annað hvort að deila bæri kostnaðinum milli landanna þriggja (45%) eða þá að Íslendingar ættu að neita að endurgreiða Bretum og Hollendingum (22%).

Sjá nánar hér

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

• 1 blogg um fréttina

Bloggað um fréttina

• Jón Ingi Cæsarsson: 68% Norðmanna telja að við eigum að greiða allt eða …