Viðræður geta haldið áfram

Steingrímur J. Sigfússon, fjármálaráðherra, segir í samtali við norsku ABC-fréttastofuna að hægt sé að halda samningaviðræðum um Icesave áfram hver sem niðurstaða þjóðaratkvæðagreiðslunnar á laugardag verður.

Steingrímur segir m.a. að það skipti ekki máli þótt ekki fáist niðurstaða í samningaviðræðunum fyrir þjóðaratkvæðagreiðsluna. Það versta sem geti gerst sé að það slitni upp úr viðræðunum. Hann vill gefa samningamönnunum tækifæri til að vinna áfram, hvernig sem atkvæðagreiðslan fer.

Aðspurður um hvort „nei“-sigur í þjóðaratkvæðagreiðslunni þýði ekki stóráfall svarar Steingrímur því neitandi. Hann segir að góðir samningar í London skipti öllu. Það skipti engu máli hvort þeir nást fyrir atkvæðagreiðsluna.

Spurður um hvað viðsemjendur Íslands segi við því að halda samningaviðræðum áfram, án tillits til niðurstöðu þjóðaratkvæðagreiðslunnar, svaraði Steingrímur:

„Við erum ekki komin svo langt.“

Viðtal ABCNyheter við Steingrím J. Sigfússon

• 8 blogg um fréttina

Bloggað um fréttina

• Jóna Kolbrún Garðarsdóttir: Lím í ráðherrastólinn?
• Jóhannes Ragnarsson: Sko minn kall
• Ægir Óskar Hallgrímsson: He he..er það ekki bara!!
• Þórkatla Snæbjörnsdóttir: Kommúnískur aumingjaskapur eða íhaldið?
• Páll Höskuldsson: Þreytulegur Steingrímur
• Guðrún María Óskarsdóttir.: Vinstri flokkarnir voru ekki stjórntækir, við stjórn landsmála, því miður.
• Axel Jóhann Axelsson: "Hver sem niðurstaðan verður"
• Jóhann Elíasson: ÞAÐ VERÐUR AÐ FARA SETJA MANNINN Í LYFJAPRÓF................