Ferðamenn festu sig á Öxi

Björgunarsveitarmenn á Austurlandi hafa komið erlendum ferðamönnum til aðstoðar í dag sem festu bíla sína á Öxi. Að sögn lögreglu er fjallvegurinn ófær og því lokaður umferð.

Að sögn lögreglu er búið að koma tveimur hópum erlendra ferðamanna til aðstoðar nú eftir hádegi. Í annarri bifreiðinni voru tveir ferðamenn en fjórir í hinni. Þeir voru ekki í samfloti. Vel gekk að sækja ferðamennina.

Lögreglan segir að veðrið sé ágætt en bendir á að vegurinn sé ófær þar sem hann sé ekki ruddur á veturna.

• 4 blogg um fréttina

Bloggað um fréttina

• Þórhallur Pálsson: Öxi verður að laga sem fyrst
• Eiður Ragnarsson: Þetta er ....
• Gunnar Th. Gunnarsson: Að láta sér detta þetta í hug
• Guðrún Þóra Hjaltadóttir: Fólk ætti að skammast sín !