Upp úr kl. 23:00 í kvöld byrjaði jarðskjálftahrina undir Eyjafjallajökli.  Almannavarnadeild ríkislögreglustjórans, lögreglan á Hvolsvelli og Veðurstofan eru að meta ástandið og fylgjast grannt með segir í tilkynningu. Á vef Veðurstofunnar má sjá að sjálfvirkir jarðskjálftamælar segja stærstu skjálftana yfir 3 stig.

 Sagt var frá því á mbl.is fyrr í kvöld að eldgosinu á Fimmvörðuhálsi virtist lokið að sögn Magnúsar Tuma Guðmundssonar, jarðeðlisfræðings. Enginn virkni hafði þá verið á svæðinu í rúman sólarhring. „Þá teljum við sennilegt að þessu sé lokið í bili,“ sagði Magnús Tumi.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• Blogga um frétt