Ísland hreinasta land í heimi
Setja bókamerki
Ísland er hreinasta land í heimi, skv. rannsókn vísindamanna við Yale og Columbia háskólana í Bandaríkjunum. Tuttugu og fimm mælikvarðar eru lagðir til grundvallar, svo sem hreinleki vatns og lofts, losun gróðurhúsalofttegunda og áhrif umhverfisins á heilsu þegnanna. Ísland fær 93,5 stig af 100 mögulegum, og nýtur góðs af hreinu vatni, óspilltri náttúru, góðri heilsu og hreinni orku.
Sagt er frá þessu í grein á vefsíðu Forbes. Greinarhöfundur segir að það hljómi ef til vill undarlegt um þessar mundir að Ísland teljist vera hreint land, þar sem þær fréttir sem nú berast af landinu snúast fyrst og fremst um risavaxið öskuský. Aðspurður segir einn vísindamanna sem stóðu að rannsókninni þó að eldgosið muni ekki hafa áhrif á hreinleika landsins, skv. þeirra mælikvarða.
Sviss er í öðru sæti listans, Costa Ríka í þriðja, Svíþjóð í því fjórða og Noregur því fimmta. Sierra Leone er á botni listans, með 32 stig.
Búið að bólusetja börn alla helgina
Áköf mótmæli í bandarískum háskólum
Tæknideild komin norður vegna andlátsins
Íslendingar ein mest einmana þjóð heims
Átta morðmál á aðeins tólf mánuðum
Sáttur við sína stöðu og finnur fyrir meðbyr