Nemendur í Lindaskóla höfðu ástæðu til að gleðjast saman vegna góðs gengis skólans í hinum ýmsu keppnum sem nemendur hafa tekið þátt í á undanförnum vikum.
Lindaskóli átti fjóra nemendur í verðlaunasætum í stærðfræðikeppni 8.-10. bekkjar í grunnskólum Kópavogs , skólinn komst einnig áfram í BEST, norrænu stærðfræðikeppninni sem haldin er á árlega og stóð sig með miklum ágætum. Ræðulið skólans tók þátt í MORGRON, mælsku - og rökræðukeppni grunnskóla Reykjavíkur og nágrennis og keppti í lokakeppninni í Ráðhúsi Reykjavíkur sl. þriðjudag.
Þá unnu Lindskælingar skólahreysti í gærkvöldi með miklum yfirburðum.
Það var því næg ástæða til að fagna sætum sigrum og var slegið upp grillveislu fyrir allan skólann tæplega 600 nemendur á skólalóðinni á í morgun. Nemendur sporðrenndu pylsum af bestu lyst undir dúndrandi tónlist sem hljómaði langar leiðir.