Öskufall hefur verið mikið undir Eyjafjöllum og safnið á Skógum ekki farið varhluta af því. Hús og safngripir eru þakin ösku og munir í hættu. Því er nú hópur safnamanna á svæðinu við þrif og frágang muna undir forystu forvarða Þjóðminjasafns Íslands. Hópurinn lagði upp frá Reykjavík snemma í morgun og verður við vinnu á svæðinu til kvölds.

Hér er á ferðinni þrjátíu manna hópur sjálfboðaliða mest frá ýmsum söfnum á höfuðborgarsvæðinu og er stefnt að því að ná að hreinsa safnið og verja muni fyrir skemmdum, að því er segir í fréttatilkynnignu.
 
Þjóðminjasafn Íslands hefur áður brugðist við aðstæðum sem þessum og er þar skemmst að minnast jarðskjálftans á suðurlandi 2008 þegar skemmdir urðu í Byggðasafni Árnesinga á Eyrarbakka en eitt viðamesta björgunarverkefnið hingað til laut að því að koma Listasafni Reykjavíkur til hjálpar þegar skemmdir urðu í geymslum safnsins vegna elds.

Þórður Tómasson safnvörður á Skógum mbl.is/Rax

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 3 blogg um fréttina

Bloggað um fréttina

• Haraldur Haraldsson: Skógasafn í hættu /allir leggist á eitt með að bjarga …
• Halldóra Lára Ásgeirsdóttir: Skógarsafnið í hættu.
• Ragnheiður : Þarna þarf ég að koma