Viðbragðsteymi á slóðum eldgossins

mbl.is

Samráðshópur stjórnvalda og ferðaþjónustu hefur verið starfandi frá upphafi goss í Eyjafjallajökli undir forystu iðnaðarráðherra. Viðbragðsteymið heimsækir í dag ferðaþjónustufyrirtæki, forsvarsmenn sveitarfélaga og almannavarna á Hvolsvelli, í Vík og á Moldnúpi undir Eyjafjöllum.

Einnig mun hópurinn kynna sér ástand mála á ýmsum stöðum í Fljótshlíð, undir Eyjafjöllum og í Mýrdal sem hafa orðið fyrir mestum búsifjum af völdum gossins og hlýða á sjónarmið um aðgengi ferðamanna að þessum slóðum í sumar. Gert er ráð fyrir að iðnaðarráðherra sláist í hópinn eftir ríkisstjórnarfund. Hópurinn verður á Hvolsvelli kl. 10:30, í Vík kl. 13 og á Hótel Önnu, Moldnúpi kl. 16:00.

Í samráðshópi stjórnvalda og ferðaþjónustu eru fulltrúar iðnaðarráðuneytis, Almannavarna, Höfuðborgarstofu, samgönguráðuneytis, utanríkisráðuneytis, Ferðamálastofu, Útflutningsráðs, Samtaka ferðaþjónustufyrirtækja, Icelandair og Iceland Express, samkvæmt vef iðnaðarráðuneytisins.

mbl.is

Bloggað um fréttina