Fólk úr öllum heimshornum hefur fylgst með eldgosinu í Eyjafjallajökli í gegnum vefmyndavélar Mílu (eldgos.mila.is). Nú hafa síðunni borist heimsóknir frá nær öllum löndum veraldar, að sögn Sigurrósar Jónsdóttur, deildarstjóra hjá Mílu.

Nýlega komu fyrstu gestirnir frá Svalbarða og Sahara í Afríku. Heimsóknir frá Bandaríkjunum voru orðnar 636 þúsund í gær, 800 þúsund frá Bretlandi, um 270 þúsund frá Svíþjóð og álíka margar frá Noregi og Finnlandi. Gestirnir koma einnig úr fjarlægustu heimshornum á borð við Kína, Ástralíu og flestum löndum Afríku. Í gær voru heimsóknir alls orðnar um átta milljónir talsins og flettingarnar 21 milljón.

Nú koma miklu fleiri heimsóknir frá útlöndum en frá landsmönnum. Aðsóknin hér innanlands er orðin jafnari en hún var. Um leið og eitthvað nýtt gerist tekur aðsóknin kipp. Hitamyndavél var bætt við fyrr í þessum mánuði og þá tóku heimsóknirnar kipp.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir