Spáð er allt að  40 mm úrkomu á Eyjafjallajökli í nótt en reiknað er með að mest rigni á tímabilinu milli klukkan 5 og 9 í fyrramálið. Við þessar aðstæður er hætta á að öskulög á Eyjafjallajökli geti skriðið fram og niður farvegi áa sem renna suður af fjöllunum.

Fram kemur á vef Veðurstofunnar, að þetta eigi helst við um Svaðbælisá, Laugaá og Kaldaklifsá en einnig geti slík flóð komið niður Holtsá, Miðskálaá og Írá.

Mikið eðjuflóð kom í Svaðbælisá 19. maí og flæddi vatn þá yfir varnargarða. Síðan þá hafa garðarnir verði styrktir. Var flóðið rakið til þess, að gjóska, sem lá á jöklinum neðan 1200-1300 metra hæðar, hefði flotið fram vegna mikillar úrkomu og hreinsast af 4-5 ferkílómetra svæði. 

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• Blogga um frétt