Fyrsta lundapysjan er fundin

Fyrsta lundapysja sumarsins kom í dag í Náttúrugripa- og fiskasafn Vestmannaeyja. Það þykir óvenju seint. Hún var lítil, vóg einungis 212 grömm, en engu að síður spræk. Hún fannst í Vestmannaeyjabæ og kom það nokkuð á óvart í ljósi fregna af slæmum varpárangri lunda. 

Georg Skæringsson, verk- og tæknistjóri Þekkingarseturs Vestmannaeyja, sagði að venjulega hafi verið miðað við að pysjur væru 300 grömm þegar þeim væri sleppt og alls ekki undir 200 grömmum. Ætlunin er að fita pysjuna aðeins áður en henni verður sleppt.

• Blogga um frétt