Ólafur Ragnar á CNN: Ósanngjarnar kröfur vegna Icesave

Ólafur Ragnar Grímsson, forseti Íslands, segir ástæðu þess að Icesave deilan sé enn óleyst þá að Hollendingar og Bretar haldi enn uppi ósanngjörnum kröfum gagnvart Íslandi. Skuldir sem hafi orðið til vegna misgjörða einkabanka eigi ekki að lenda á almennum borgurum. 

Ólafur Ragnar sagði þetta í viðtali við bandarísku fréttastöðina CNN.

Í viðtalinu var rætt við Ólaf um Icesave deiluna, mögulega inngöngu Íslands í Evrópusambandið og samvinnu Íslendinga og Kínverja í jarðhitamálum.

Ólafur Ragnar segir ólíklegt að Icesave-deilan muni hafa veruleg áhrif á umsókn Íslands í Evrópusambandið. Meginsamningsatriðið í ESB viðræðunum sé að Ísland haldi yfirráðum yfir fiskimiðum sínum.

Ólafur er nú staddur í Kína. Megintilgangur ferðarinnar er að efla samstarf Íslands og Kína um endurvinnanlega orku. 

Viðtalið við Ólaf Ragnar á CNN má sjá hér.

• 6 blogg um fréttina

Bloggað um fréttina

• Einar Karl: Brýtur Ólafur stjórnarskrá?
• Njörður Helgason: Forsetan í farbann.
• Ingibjörg Guðrún Magnúsdóttir: Sammála er ég honum...
• Hörður B Hjartarson: Sko kallinn - þetta á hann til ,
• ÞJÓÐARHEIÐUR - SAMTÖK GEGN ICESAVE: Forseti Íslands á CNN: Hollendingar og Bretar halda enn uppi …
• Kristín H Berg Martino: Góður talsmaður