Hæstiréttur staðfesti dóminn

Margir fylgdust með því þegar Hæstiréttur kvað upp dóminn í …
Margir fylgdust með því þegar Hæstiréttur kvað upp dóminn í dag. mbl.is/Golli

Reikna skal út ólögmæt gengistryggð lán miðað við óverðtryggða vexti Seðlabanka Íslands, samkvæmt dómi Hæstaréttar. Með þessu staðfesti Hæstaréttar dóm Hértaðsdóms Reykjavíku í máli sem Lýsing höfðaði gegn manni sem tók bílalán árið 2007. Málið var höfðað til að eyða óvissu um vaxtakjör á ólögmætum gengistryggðum lánum.

Ingibjörg Benediktsdóttir, forseti Hæstaréttar las upp dómsorðið fyrir þéttskipuðum dómsal í Hæstarétti. Nánari upplýsingar um dóminn munu birtast á mbl.is innan skamms. Þá verður dómurinn birtur á vef Hæstaréttar kl. 16:30. Vegna dómsins hefur verið boðað til blaðamannafundar í efnahags- og viðskiptaráðuneytinu kl. 17.15.

Gengislán skulu samkvæmt dómnum bera lægstu vexti sem Seðlabanki Íslands ákveður á hverjum tíma með hliðsjón af lægstu vöxtum af nýjum almennum óverðtryggðum útlánum. Á lánstíma þess láns sem um ræddi í málinu voru óverðtryggðir vextir bankans hæstir yfir 20%. Að sögn Jóhannesar Árnasonar, lögmanns lánþegans, voru þeir að meðaltali 18,2%. Nú eru lægstu óverðtryggðu vextir Seðlabanka Íslands 8,25%.

mbl.is