Þingmenn geta ekki sett sig í dómarasæti

Þingmenn geta ekki sett sig í dómarasæti, síst af öllu yfir samferðamönnum sínum í stjórnmálum," sagði Árni Johnsen, þingmaður Sjálfstæðisflokksins, í umræðum um tillögur um málshöfðun á hendur ráðherrum. 

Sagði hann að það væri skelfilegt þegar þingmenn héldu að þeir séu orðnir lögfræðingar þegar þeir blönduðu sér inn í einhver atriði, sem vörðuðu lagasetningu.

Sagði Árni, að það hefðu verið skelfileg mistök, að setja þá þingmenn, sem sátu í þingmannanefndinni, í þá aðstöðu sem þeir voru settir, að þurfa að fjalla um ábyrgð ráðherra.  „Sjá menn virkilega ekki fyrir, að ef gengið verður til sakamála gagnvart stjórnmálunum í landinu, þá er fjandinn laus og þá verður ný Sturlungaöld í landinu með kærum, kærum, kærum og kærum," sagði Árni. 

• 4 blogg um fréttina

Bloggað um fréttina

• Guðni Karl Harðarson: Við krefjumst uppgjara
• Skaz: Þvílíkur misskilningur hjá Árna....
• Jóhann Hallgrímsson: sammála
• Jens Guðmundur Jensson: Dómarasæti ????