Deila á matargjafir en vísa fólki á þær

Biðröð við húsakynni Fjölskylduhjálpar Íslands.
Biðröð við húsakynni Fjölskylduhjálpar Íslands. mbl.is/Ernir

Að undanförnu hafa félagsmálayfirvöld gagnrýnt hjálparsamtök fyrir ófagleg vinnubrögð. Til að svara þessu benda forsvarsmenn Mæðrastyrksnefndar og Fjölskylduhjálpar Íslands á að samtökin taki við þar sem hið opinbera getur ekki sinnt skjólstæðingum sínum lengur. Þeim sé vísað, ýmist með formlegum eða óformlegum hætti, til hjálparsamtakanna.

„Við höfum áhyggjur af þessum röðum, þar sem fólk bíður eftir að fá mat í poka. Ég geri ekki lítið úr þörfinni, en okkur finnst þessi aðferð ekki vera uppbyggjandi. Hún hvetur ekki til sjálfshjálpar,“ segir Stella K. Víðisdóttir, sviðsstjóri Velferðarsviðs Reykjavíkurborgar.

Lítið sem ekkert samstarf hefur verið á milli einstakra hjálparsamtaka, eða á milli þeirra og opinberra aðila, eins og til dæmis þeirra sem hafa með félagsaðstoð að gera. Upplýsingaflæði virðist sömuleiðis vera af skornum skammti. Allir þeir sem málið snertir og rætt var við segjast vera fúsir til samstarfs og samráðs, að því er fram kemur í umfjöllun um þetta mál í Morgunblaðinu í dag.


Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »