Meirihluti fyrir aðskilnaði ríkis og kirkju?
Setja bókamerki
Af þeim 25 fulltrúum sem kjörnir voru á stjórnlagaþing lýstu fimmtán sig frekar eða mjög andvíga því að sérstakt ákvæði sé um þjóðkirkju í stjórnarskránni á vef DV eða á síðunni adskilnadur.is. Virðist því sem meirihluti sé fyrir aðskilnaði ríkis og kirkju á þinginu.
Sjö fulltrúanna segjast vera frekar eða mjög hlynntir því að áfram verði ákvæði um þjóðkirkju í stjórnarskránni, tveir eru hlutlausir en einn fulltrúinn lýsti aldrei skoðun sinni á ákvæðinu.
Einn þeirra sem lýstu sig andvíga þjóðkirkjuákvæði, Gísli Tryggvason, hafði þó sagt að hann vildi geyma umræður um stöðu þjóðkirkjunnar.
Afstaða fulltrúa til ákvæðis um þjóðkirkju samkvæmt svörum á DV.is og adskilnadur.is:
Andrés Magnússon frekar hlynntur
Ari Teitsson frekar hlynntur
Arnfríður Guðmundsdóttir frekar hlynnt
Ástrós Gunnlaugsdóttir frekar andvíg
Dögg Harðardóttir mjög hlynnt
Eiríkur Bergman frekar andvígur
Erlingur Sigurðarson mjög andvígur
Freyja Haraldsdóttir mjög andvíg
Gísli Tryggvason frekar andvígur (vill geyma umræðu)
Guðmundur Gunnarsson
Illugi Jökulsson mjög andvígur
Inga Lind Karlsdóttir frekar andvíg
Katrín Fjelsted hlutlaus
Katrín Oddsdóttir frekar andvíg
Lýður Árnason hlutlaus
Ómar Ragnarsson frekar andvígur
Pawel Bartozsek frekar andvígur
Pétur Gunnlaugson frekar eða mjög hlynntur
Salvör Nordal frekar hlynnt
Silja Bára Ómarsdóttir mjög andvíg
Vilhjálmur Þorsteinsson mjög andvígur
Þorkell Helgason frekar andvígur
Þorvaldur Gylfason frekar hlynntur
Þórhildur Þorleifsdóttir frekar andvíg
Örn Bárður Jónsson frekar andvígur
Innviðir þandir og álagið „gríðarlegt“
Hafa samþykkt kaup fyrir um 9,2 milljarða
„Tíminn er runninn út fyrir Kristján Loftsson“
Fjárfestingin 115 milljarðar króna
Kveðst tala af virðingu: „Ég er enginn dóni“
Benda á Samgöngustofu sem bendir út í heim
„Þögnin er ærandi“