Mikil óvissa í Stjórnarráðinu
Setja bókamerki
Enn er uppi mikil óvissa um hvort niðurstaða næst í dag í viðræðum lífeyrissjóða og ríkisstjórnarinnar um aðgerðir í skuldamálum heimila. Forsvarsmenn sjóðanna eru nú á fundi með fjórum ráðherrum sem hófst kl 15.
Á fjölmennum fundi stjórnenda lífeyrissjóða í gær komu fram ákveðnar óskir sem forsvarsmenn sjóðanna lögðu fyrir ráðherrana á fundinum í dag. Enn hafa ekki fengist skýr svör ríkisstjórnarinnar við þessum óskum samkvæmt heimildum mbl.is
Fyrir fund lífeyrissjóðanna með ráðherrunum fóru bankastjórar viðskiptabankanna yfir stöðuna á fundi með ráðherrunum eftir hádegi.
Ráðherrarnir sem sitja fundinn með fulltrúum lífeyrissjóðanna eru Jóhanna Sigurðardóttir forsætisráðherra, Steingrímur J. Sigfússon fjármálaráðherra, Árni Páll Árnason, efnahags- og viðskiptaráðherra, og Ögmundur Jónarsson dómsmála- og samgönguráðherra.
Sex hafa greinst með listeríu
Vélsleðaslys: Þyrlan kölluð út á mesta forgangi
Krefjast stöðvunar framkvæmda
Árshátíð ríkislögreglustjóra haldin í Tékklandi
Telur forsendur fyrir vaxtalækkun
„Umsátursástand“