Nýtt fjölnota íþróttahús vígt
Setja bókamerki
Fjölmenni var við vígslu nýs fjölnota íþróttahúss í Vestmannaeyjum síðdegis í dag. Húsið gjörbreytir aðstöðu til að æfa knattspyrnu og frjálsar íþróttir yfir vetrarmánuðina. Þá hugsa kylfingar sér gott til glóðarinnar.
Meðal gesta voru fulltrúar frá Íþróttasambandi Íslands og Knattspyrnusambandi Íslands. Það kom í hlut Hallgríms Júlíussonar og Sigríðar Garðarsdóttur að klippa á borða til merkis um að húsið væri tekið í notkun. Þau voru útnefnd íþróttamenn æskunnar í Vestmannaeyjum, bæði á síðasta ári og árinu þar á undan.
Elliði Vignisson bæjarstjóri sagði við athöfnina að vissulega hefði aðstaða til íþróttaiðkunar verið góð í Vestmannaeyjum en með tilkomu hússins væri stigið stórt skref fram á við.
Í húsinu er 50 sinnum 60 metra knattspyrnuvöllur með góðu gervigrasi. Þá eru brautir fyrir frjálsar íþróttir lagðar tartanefni.
Telur forsendur fyrir vaxtalækkun
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
„Höfum ekki náð að skríða upp úr þeirri gryfju“
„Það þarf að vinna mikinn fjölda upp“
Handteknir eftir myndatöku í Vesturbæjarlaug
Banna mengandi búnað sem leyfður er á Íslandi