Um 62% vilja þjóðaratkvæði um Icesave

Þingmenn í atkvæðagreiðslu eftir 2. umræðu um Icesave-frumvarpið.
Þingmenn í atkvæðagreiðslu eftir 2. umræðu um Icesave-frumvarpið.

Um 62% landsmanna vilja þjóðaratkvæðagreiðslu um nýjasta Icesave-samninginn. Þetta er meðal þess sem kemur fram í viðhorfskönnun sem MMR gerði fyrir þjóðmálafélagið Andríki dagana 8. – 11. febrúar sl.

Spurt var: Telur þú eðlilegt að íslenska þjóðin fái að segja álit sitt á nýjasta Icesave-samningnum í þjóðaratkvæðagreiðslu? Af þeim sem afstöðu tóku svöruðu 62,1% já. Nei sögðu 37,9%.

Ekki er marktækur munur á afstöðu kynja. Meirihluti í öllum aldurshópum er fylgjandi þjóðaratkvæðagreiðslu. Sömuleiðis er bæði meirihluti fyrir þjóðaratkvæðagreiðslu á höfuðborgarsvæði og á landsbyggðinni þótt hann sé meiri á landsbyggðinni eða 68%. Úrtak var 865 einstaklingar og afstöðu tóku 80,2%.

Icesave-frumvarpið var samþykkt með 40 atkvæðum gegn 11 eftir aðra …
Icesave-frumvarpið var samþykkt með 40 atkvæðum gegn 11 eftir aðra umræðu. Golli / Kjartan Þorbjörnsson
mbl.is

Bloggað um fréttina

Fleira áhugavert
Fleira áhugavert