Ekki er víst að ríkissjóður yrði dæmdur til að greiða vexti, kæmust íslenskir dómstólar að þeirri niðurstöðu að ríkið bæri ábyrgð á skuldbindingu Tryggingasjóðs innistæðueigenda gagnvart breskum og hollenskum innistæðueigendum í Icesave-málinu.

Reimar Pétursson hæstaréttarlögmaður segir að samkvæmt íslenskum lögum sé almennt ekki talinn réttur til vaxta, ef ábyrgð er takmörkuð við tiltekna fjárhæð. „Þá eru þess dæmi að íslenskir dómarar hafi túlkað lög um vexti og verðtryggingu þannig að t.a.m. vextir séu einungis greiddir frá dómsuppkvaðningu,“ segir hann.

Í umfjöllun um mál Þetta í Morgunblaðinu í dag segir Reimar, að dómur EFTA-dómstólsins í Icesave-málinu yrði ekki aðfararhæfur hér á landi. Bretar og Hollendingar yrðu að höfða mál fyrir íslenskum dómstólum.

Dómur EFTA-dómstólsins yrði einungis viðurkenning á réttarbroti, sem fæli ekki í sér neitt um afleiðingar þess.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir