Á móti skyldunotkun á stígum

Svokallaðir 2+1 stígar eru víða á höfuðborgarsvæðinu. Þeir duga í ...
Svokallaðir 2+1 stígar eru víða á höfuðborgarsvæðinu. Þeir duga í mesta lagi fyrir eitt hjól í einu en alls ekki fyrir þrjá hjólreiðamenn. Víða er erfitt að sjá línuna og hver og einn verður að meta hvort hún sé úr gildi fallin eða bara orðin lúin og máð. mbl.is/Kristinn Ingvarsson

Landssamtök hjólreiðamanna (LHM) gera athugasemd við að í frumvarpi til nýrra umferðarlaga verður lagt bann við að hjóla annars staðar en á merktum hjólareinum eða -brautum, þar sem slíkar hjólabrautir eru til staðar. Þau benda m.a. að lagðir hafi verið hjólastígar sem auki beinlínis hættu fyrir hjólreiðamenn.

Í 16. grein frumvarpsins segir að þar sem eru sérstakar reinar eru fyrir mismunandi tegundir ökutækja skal ökumaður nota þá rein sem ökutæki hans er ætluð. Öll tæki á hjólum falla undir skilgreiningu á ökutæki og því á þessi grein við um reiðhjól. LHM vilja að hjólreiðamenn verði undanþegnir þessu ákvæði.

„Því miður eru nokkur dæmi þar sem sveitarfélög hafa af ónógri þekkingu sett niður brautir, án nokkurs samráðs við hjólreiðamenn eða í samræmi við nokkurn þekktan staðal hérlendis eða erlendis, gjarnan þar sem megintilgangur hefur verið að þrengja að akandi umferð, og kallað hjólastíga. Stígar þessir eru hins vegar þannig hannaðir að þeir draga úr öryggi hjólreiðamanna og því hlýtur krafa um skyldunotkun hjólreiðamanna á slíkum stígum að vinna mjög gegn 1. gr. laganna, þ.e. markmiðum um örugga umferð,“ segir í umsögn LHM sem skilað hefur verið inn til samgöngunefndar Alþingis.

Reyna ekki að ryðja stíg í Lönguhlíð

Árni Davíðsson, formaður Landssamtaka hjólreiðamanna, segir að versta dæmið sé í Lönguhlíð í Reykjavík. „Stígurinn er nokkuð frá götunni þannig að hjólreiðamaður er ekki í sjónsviði bílstjóra og það skapar hættu þegar bílstjórar beygja til hægri,“ segir Árni en sá sem ekur Lönguhlíðina til suðurs getur víða beygt inn til hægri.

Árni segir að stígurinn sé einfaldlega illa hannaður. Ekki sé hægt að ryðja hann vegna ýmissa upphækkana og hann sé aldrei ruddur. „Þeir reyna það ekki einu sinni,“ segir hann. Þá sé hann ýmist breiður eða mjór sem geti valdið ruglingi.

Stígurinn sé hins vegar fallegur á að líta og hafi efalaust kostað sitt. Líklega hafi þó tilgangur hans einkum verið að þrengja að akbrautinni til að draga úr umferðarhraða í Lönguhlíð, fremur en að bæta aðstöðu hjólreiðamanna. Það væri hins vegar vel hægt að hafa góðan hjólastíg meðfram akbrautinni.

Þarf ekki að neyða fólk til að nota góða stíga

Í 41. grein frumvarpsins er ákvæði um að ef hjólastígur er samhliða göngustíg sé einungis heimilt að hjóla á hjólastígnum. LHM telur hins vegar nauðsynlegt að hjólreiðamenn hafi svigrúm til að nota þau umferðarmannvirki sem hentugust og öruggust eru hverju sinni fyrir ferð hjólreiðamannsins. „Hönnun og merkingar hjólastíga og hjólareina ættu almennt að duga til að hjólandi noti stíga og reinar þeim ætlaðar. Gönguleiðir með blandaðri umferð gangandi og hjólandi skal ávallt líta á sem varaleið, t.d. fyrir börn, en ekki sem aðalleið hjólreiðamanna enda er hann settur í llt aðra og lakari réttarstöðu þar,“ segir í umsögninni. Gæta þurfi jafnræðis milli vegfarenda, óháð samgöngumáta.

Árni segir að ef hið opinbera leggi ekki almennilega hjólastíga eða hjólareinar geti þetta ákvæði skapað hættu. „Ef menn búa til almennileg hjólamannvirki sem henta þá verða þau notuð – það þarf ekki að neyða fólk til að nota það sem er gott,“ segir hann.

Gæti bannað hjólreiðar án hjálms

LHM hafa líka gert verulegar athugasemdir við að í frumvarpinu er innanríkisráðherra veitt heimild til að gera hjálmanotkun við hjólreiðar að skyldu. Samtökin eru alls ekki andvíg hjálmanotkun, heldur að hún verði að skyldu. 

Meðal þess sem  LHM benda á er:

„Með hjálmaskyldu er ekki bara verið að skylda hjólreiðamenn til að nota hjálm. Það r líka verið að banna hjólreiðar án hjálms. Þessu má líkja við að banna göngu án hjálms/endurskinsvestis eða hvað eina sem stjórnvöldum kann að detta í hug og gæti talist öryggis- og varnarbúnaður.

Hjálmaskylda er líkleg til að draga úr hjólreiðum og vinna þar með gegn markmiðum stjórnvalda í loftlagsmálum, lýðheilsumálum, umhverfismálum og markmiðum sveitarfélaga um mannvænlegt umhverfi í borgum og bæjum.

Hjálmaskylda er líkleg til að auka slysalíkur hvers einstaks hjólreiðamanns.

Hjálmaskylda gefur í skyn að hjólreiðar séu hættuleg iðja og hættulegri en t.d. ganga eða akstur. Hjólreiðar eru þó síst hættulegri en ganga eða akstur og valda heldur ekki dauða eða limlestingum í umferðinni eins og bílar.

Með hjálmaskyldu er brotið á jafnræði samgöngumáta enda er hjólreiðamönnum ekki hættari við höfuðmeiðslum en öðrum vegfarendahópum.“

Hægt er að lesa umsögnina í heild sinni hér.

Merkingin um aðskilnað hjólandi og gangandi vegfarenda virðist aukaatriði enda ...
Merkingin um aðskilnað hjólandi og gangandi vegfarenda virðist aukaatriði enda engin umferð hjólreiðafólks þegar myndin var tekin. mbl.is/Friðrik Tryggvason
Árni Davíðsson formaður Landsambands hjólreiðamanna.
Árni Davíðsson formaður Landsambands hjólreiðamanna. mbl.is/Ómar Óskarsson
mbl.is

Innlent »

Skoða hvort málinu verði áfrýjað

19:02 Ingólf­ur Hauks­son, for­stjóri Glitn­is HoldCo, segir að verið sé að skoða hvort máli þrotabúsins gegn fjölmiðlunum Stundinni og Reykjavík Media verði áfrýjað til Hæstaréttar. Meira »

Vill koma skútunni í öruggt skjól

18:48 Rann­sókn lög­regl­unn­ar á Vest­fjörðum á skútuþjófnaði á Ísaf­irði aðfaranótt 14. október er langt komin. Einn er í haldi lögreglu, grunaður um þjófnaðinn, og var hann úrskurðaður í farbann til 12. nóvember. Maðurinn, sem er erlendur, hefur tvívegis verið yfirheyrður vegna málsins. Meira »

Kastaði buxum út um glugga verslunar

18:37 Karlmaður á þrítugsaldri var í dag dæmdur í 45 daga fangelsi í Héraðsdómi Reykjavíkur fyrir að hafa í byrjun febrúar á þessu ári stolið buxum að verðmæti um 10 þúsund króna úr verslun í Hafnarfirði með því að kasta þeim út um glugga í mátunarklefa verslunarinnar. Meira »

Kröfu Isavia hafnað

18:19 Áfrýjunarnefnd samkeppnismála hefur staðfest bráðabirgðaákvörðun Samkeppniseftirlitsins vegna gjaldtöku Isavia ohf. á ytri rútustæðunum við Flugstöð Leifs Eiríkssonar á Keflavíkurflugvelli, en bráðabirgðaákvörðunin var tekin 17. júlí síðastliðinn. Meira »

Dæmdur í fangelsi fyrir fjölda brota

17:50 Þrítugur karlmaður hefur verið dæmdur í 15 mánaða fangelsi í Héraðsdómi Reykjavíkur fyrir margvísleg brot á borð við líkamsárásir, fjársvik og þjófnað, auk fjölda fíkniefna- og umferðarlagabrota. Umferðarlagabrotin voru alls níu talsins, en í heildina voru ákæruliðirnir hátt í tuttugu talsins. Meira »

HR hefur ekki fengið náðhúsið afhent

17:30 Háskólinn í Reykjavík hefur fengið tvær af þrjá byggingum braggans við Nauthólsvík afhentar frá borginni, en ekki allar þrjár líkt og Óli Jón Hertervig, starfandi skrifstofustjóri skrifstofu eigna og atvinnuþróunar (SEA) greindi frá í morgun. Meira »

Hætt verði að nafngreina sakamenn

17:09 Verði fyrirhugað frumvarp dómsmálaráðherra að lögum verða dómar og úrskurðir héraðsdómstóla sem varða viðkvæm persónuleg málefni ekki lengur birtir opinberlega. Þá verður nafnleyndar gætt í öllum tilfellum við birtingu dóma í sakamálum um þá sem þar koma við sögu. Meira »

Tilraun til að vega að trúverðugleika blaðamanns

16:49 Það að kalla blaðamann „óvin vinnandi stétta“, að segja að honum hafi verið „sigað á [okkur] af húsbónda sínum“ og lýsa honum sem „holum manni“, vegna harðra skoðanaskrifa hans um samningskröfur stéttarfélaga, er tilraun til að vega að mennsku hans og trúverðugleika. Meira »

Miklar götulokanir vegna kvennafrís

16:07 Miklar götulokanir verða í miðborginni á kvennafrídegi miðvikudaginn 24. október. Lokanir verða á Kalkofnsvegi og víðar vegna baráttufundar á Arnarhóli í tilefni af samkomunni, en sviði verður komið fyrir á Kalkofnsvegi fyrir framan Arnarhól. Meira »

Bilun í hitakerfi rúðunnar olli sprungu

15:45 Sprunga í rúðu í flugstjórnarklefa flugvélar Icelandair sem var á leið frá Orlando í Flórída til Keflavíkur aðfaranótt laugardags myndaðist vegna bilunar í hitakerfi rúðunnar. Rannsóknarnefnd samgönguslysa er með atvikið til skoðunar. Meira »

Rannsaka andlát ungrar konu

15:37 Ung kona fannst látin á heimili sínu á Akureyri á sunnudagsmorgun. Lögreglan á Norðurlandi eystra rannsakar málið. Dánarorsök liggur ekki fyrir, en einn maður var í dag úrskurðaður í gæsluvarðhald vegna málsins. Meira »

Ríkissaksóknari skoðar Euro Market-mál

15:29 Ríkissaksóknari fór þess á leit við lögreglustjórann á Vesturlandi að hann aðstoðaði ríkissaksóknara við rannsókn á því hvernig minnisblað lögreglu sem hafði að geyma trúnaðarupplýsingar komst í hendur á óviðkomandi aðila. Niðurstaða rannsóknar lögreglustjórans á Vesturlandi hefur verið kynnt ríkissaksóknara sem fer með rannsókn málsins. Meira »

Ekki hlaupið að verktakaskiptum

15:15 Akstursþjónusta fatlaðra á vegum Strætó bs. hefur gengið vel í dag þrátt fyrir gjaldþrot verktakans Prime Tours sem hafði 25 bíla í rekstri. Framkvæmdastjóri Strætó ætlar að funda með lögfræðingum á morgun og fara yfir næstu skref. Meira »

Lentu í arfavitlausu veðri

14:45 „Við vorum að veiðum suðaustarlega í Smugunni um 340 mílur frá Norðfirði. Það gafst heldur lítill tími til veiða vegna veðurs. Það brældi og gerði í reynd arfavitlaust veður þannig að það var ekkert annað að gera en að halda í land,“ segir Tómas Kárason, skipstjóri á Beiti NK. Meira »

Jón Steinar svarar Önnu Bentínu

14:19 Jón Steinar Gunnlaugsson lögmaður svarar Önnu Bentínu Hermansen, brotaþola kyn­ferðisof­beld­is og ís­lensks rétt­ar­kerf­is, í opnu bréfi til hennar sem hann sendi mbl.is. Jón Steinar segist ekki efast um að afdrif kæru Önnu vegna kynferðisbrots hafi verið henni þungbær en kæran var felld niður. Meira »

„Breytingar keyrðar áfram af mannvonsku“

13:47 „Sú nýja forysta sem hefur verið að koma fram á völlinn í verkalýðshreyfingunni, hefur þau sjónarmið að ef þú ert ekki sammála þeim þá eigir þú að víkja, engin málefnaleg umræða.“ Þetta skrifar Guðmundur Ragnarsson, fyrrverandi formaður VM, á Facebook í gær. Meira »

Framkvæmdum af hálfu borgarinnar lokið

13:38 Framkvæmdum við braggann í Nauthólsvík af hálfu Reykjavíkurborgar er lokið og hefur Háskólinn í Reykjavík tekið húsnæðið í notkun, að sögn Óla Jóns Hertervig, setts skrifstofustjóra skrifstofu eigna og atvinnuþróunar (SEA) hjá Reykjavíkurborg. Meira »

Tveir menn í farbanni

13:10 Tveir af þeim þremur mönnum sem voru handteknir vegna rannsóknar á máli sem snýr að ætluðum brotum á almennum hegningarlögum, lögum um útlendinga og lögum um atvinnuréttindi útlendinga hafa verið úrskurðaðir í farbann. Meira »

Ákærðir fyrir árás á Houssin

11:35 Héraðssaksóknari hefur ákært Baldur Kolbeinsson og Trausta Rafn Henriksson fyrir hættulega líkamsárás á ungan hælisleitanda frá Marokkó, Houssin Bsraoi, í janúar síðastliðnum. Málið verður þingfest í Héraðsdómi Suðurlands á fimmtudaginn. Meira »
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
Til sölu Færeyingur Haffrúin 6032
Gengur í Strandveiðina, Ný vél, vökvagír, skrúfa og mælaborð, nýtt rafkerfi,raf...
Infrarauður Saunaklefi -Tilboð 299.000 ef greitt er inn á 30.000 í okt ( kemur eftir cirka 4 vikur ) annars 329.000
Er á leiðinni færð á Tilboði 299.000 ef greitt er inn á 30.000 í sept( kemur eft...