Menntaskólinn í Reykjavík bar sigur úr bítum í Morfís, mælsku og rökræðukeppni framhaldsskólanna nú í kvöld.
Lið MR atti kappi við lið MS fyrir fullu húsi í Háskólabíó. Umræðuefnið var frjálshyggja og mælti lið MR með frjálshyggju en lið MS á móti.
MR hlaut 2599 stig en MS hlaut 2533 stig.
Ræðumaður Íslands var einnig valinn en hann kemur úr liði MS og heitir Þórir Freyr Finnbogason.