Á ekki fyrir mat handa börnunum

„Ég hefði aldrei trúað því að þetta gæti farið svona, ekki fyrir fólk sem fór varlega,“ segir einstæð, þriggja barna móðir, sem reiðir sig á Hjálparstarf kirkjunnar til að geta gefið börnunum sínum mat og lyf.

Hún býr með börnum sínum þremur, á aldrinum tveggja til tíu ára, í 67 fermetra íbúð og hafa afborganirnar af fasteignaláninu tvöfaldast frá árinu 2006.

Þegar mánaðarafborgunin varð 180 þúsund hætti hún endanlega að ná endum saman. „Ég á ekki fyrir mat, ég á ekki neitt og þarf algjörlega að stóla á Hjálparstarfið [...]“

Á milli áranna 2008 og 2009 fjölgaði þeim sem leituðu í fyrsta sinn til Hjálparstarfs kirkjunnar um 200%. Nú stendur til að breyta fyrirkomulagi starfsins og innleiða inneignarkort í verslunum í stað þess að úthluta mat.

Í kvöld verður söfnunarátak á Stöð 2 til styrktar Hjálparstarfi kirkjunnar.

Hjálparstarf kirkjunnar