Deilan snýst um einn mann

Frá Dyrhólaey.
Frá Dyrhólaey. Jónas Erlendsson

Deilur um málefni Dyrhólaeyjar snúast um einn mann eða eina fjölskyldu sem er ósátt við umferð ferðamanna um eyna og hefur í því skyni borið fyrir sig fuglavernd og þá sérstaklega verndun á æðarvarpi, segir í yfirlýsingu frá Mýrdalshreppi.

Sveitarstjórnin segir í gildi heimildarákvæði um að loka eyjunni fyrir umferð frá 1. maí til 25. júní til verndar fuglavarpi. Talning 6. júní síðastliðinn hafi sýnt að einungis sjö æðarhreiður voru á svæði sem almennir ferðamenn hafa áhuga á að sækja. 

„Íbúar í Mýrdalshreppi sem í dag hafa verulega hluta tekna sinna af ferðaþjónustu eru því skiljanlega mjög ósáttir við að 7 æðarkollur eigi að geta komið í veg fyrir að ferðamenn fái að njóta þessarar einstöku náttúruperlu.  Sveitarstjórn Mýrdalshrepps hefur margítrekað stuðning sinn við það sjónarmið.

Mýrdalshreppur blandar sér hinsvegar ekki í þá borgaralegu óhlýðni sem menn hafa sýnt í verki að undanförnu, hvorki ákvörðun bóndans á Vatnsskarðhólum um uppsetningu á ólöglegu hliði til lokunar á eynni, né ákvörðun einhverra um að fjarlægja þá hindrun,“ segir m.a. í yfirlýsingunni.
 

Fyrri frétt mbl.is um innrás í Dyrhólaey.

mbl.is
Fleira áhugavert
Fleira áhugavert