Fann megna brennisteinslykt

Sjá má hrun úr brúnum vestari sigketilsins. Myndin var tekin …
Sjá má hrun úr brúnum vestari sigketilsins. Myndin var tekin í flugi Atlantsflugs í dag. Jón Grétar Sigurðsson

„Ég var fyrir ofan Langasjó og það var ekkert vafamál,“ sagði Jón Grétar Sigurðsson, flugmaður hjá Atlantsflugi. Hann fann megna brennisteinslykt þar sem hann var á flugi, en hún er rakin til hlaups í Skaftá.

Jón Grétar er með útsýnisflugferðir úr Skaftafelli í Öræfum og hefur flogið nær daglega yfir Vatnajökul og nágrenni í sumar. Hann kvaðst eiga eldri myndir af Skaftárkötlum frá því í júlí og ekki sé neinum blöðum um að fletta að það sé að hlaupa úr vestari katlinum.

„Ég fylgist náið með þessu,“ sagði Jón Grétar. Hann flaug yfir Skaftárkatlana í dag og eins yfir útfall Skaftár og tók myndir. Þá flaug Jón Grétar einnig yfir Hamarinn og nágrenni þar sem  hljóp fram mikið vatn í Hágöngulón á dögunum.

„Það er mikil sigdæld austan við Hamarinn og hrun í henni að hluta,“ sagði Jón Grétar.

Vestari Skaftárketillinn hefur greinilega sigið, eins og sjá má á …
Vestari Skaftárketillinn hefur greinilega sigið, eins og sjá má á ljósmyndinni sem tekin var i flugi Atlantsflugs í dag. Jón Grétar Sigurðsson
Megn brennisteinslykt fannst yfir Langasjó. Hér sést hvar Skaftá kemur …
Megn brennisteinslykt fannst yfir Langasjó. Hér sést hvar Skaftá kemur undan jöklinum. Jón Grétar Sigurðsson
Hér sést sigdældin sem myndaðist austan við Hamarinn en talið …
Hér sést sigdældin sem myndaðist austan við Hamarinn en talið er að hlaupið sem fór í Hágöngulón hafi komið þaðan. Jón Grétar Sigurðsson
mbl.is

Bloggað um fréttina

Fleira áhugavert
Fleira áhugavert